Milli Büdcə Qrupu

MBQ milli büdcənin şəffaflığı və səmərəli istifadəsinə yönəlmiş təşəbbüslərin ictimai marağa yönləndirilməsi missiyasını daşıyır və başlıca məqsədlərindən biri əsaslı iqtisadi tədqiqat və siyasi təkliflər vasitəsilə Azərbaycanın iqtisadiyyatına, milli büdcə prosesinin keyfiyyətinin artırılmasına və inkişafına dəstək olmaqdır. 2006-cı ildən bu günə qədər MBQ ölkədə iqtisadiyyat sahəsində aparıcı ekspertlərin işindən bəhrələnmişdir və Azərbaycan hökumətinin büdcə layihələrinə və onların icrasına müstəqil rəy irəli sürən yeganə təşkilatdir.

• Dövlət büdcə məlumatlarının populyarizasiyaı və onlara əlçatanlığın artırılması

• Büdcə qanunvericiliyinin təkmilləşdirilməsi

• Büdcə icrasında şəffaflığının, hesabatlılığın və səmərəliliyin təmin edilməsi

• Büdcə prosesində və qərarların alınmasında ictimaiyyətin iştirakı və təsirinin artırılması

• Beynəlxalq büdcə təşəbbüslərində iştirakın artırılması

• Makro-iqtisadi dəyərləndirmə və təhlil

2010-cu ildə MBQ fəaliyyətinin səmərəliliyinin artırılması və sistemləşdirilməsi məqsədilə Milli Büdcə Ofisi (MBO) layihəsinin icrasına başlamışdır. MBO-nun əsas fəaliyyətləri:

• dövlət büdcəsi prosesinə dair müstəqil tədqiqat və rəyin hazırlanması;

• aylıq, rüblük və illik makroiqtisadi monitorinq və dəyərləndirmə;

• büdcə məcəlləsi kodeksi konsepsiyasının hazırlanması;

• vətəndaşın büdcə bələdçisi vəsaitinin tərtibi;

• Azərbaycanın Açıq Büdcə İndeksi üzrə yerinin ölçülməsi üzrə tədqiqatdır.

MBQ bir sıra analitik məhsul, o cümlədən iqtisadiyyatın müxtəlif sahələrinə aid məqalələr, təhlili və informativ hesabatlar və siyasət təkliflərinin müəlifidir.

MBQ nailiyyətləri arasında sosial, səhiyyə, sərmaye və regional büdcə xərcləri üzrə indikatorların tərtib edlməsi və həmin sahələr üzrə monitorinqin aparılması, Azərbaycan milli büdcəsinin şəffaflığının qitmətləndirilməsi və onun Açıq Büdcə İndeksi üzrə yeri, büdcə prosesinin və onun icrasının təhlili, Büdcə dinləmələrində Parlament üzvlərinin fəallığının monitorinqidir. MBQ tərəfindən hazırlanmış siyasi təkliflər Hökumət tərəfindən tətbiq edilmişdir. Hesablama Palatasına dair AR Qanununa dəyişikliklər, ilk dəfə olaraq 2008-ci il Dövlət büdcəsinə investisiya xərclərinin klassifikasiyasının daxil edilməsi, Dövlət Ünvanlı Sosial Yardım Proqramına əlavələrin edilməsi də onların arasındadır.